Aappilatsini Nunaqarfiip Allaffimmiumik pissarsiorpoq
Atorfiniffissaq Februar-ip ulluisa aallaqqaataat 2026 imaluunniit isumaqatigiinnikkut.
Allaffimmi suliassaapput nunaqarfimmiut saffiginnissutaanik tigooraaneq aamma ingerlatitseqqinneq, kiisalu Kommune Kujallermi qullersaqarfimmut paasissutissanik katersineq.
Piumasaqaataavoq atorfinittussaq kalaallisut oqalussinnaanissaa aamma allassinnaanissaa, qallunaanut tuluttullu aamma oqalussinnaaguni allassinnaallunilu iluaqutaaginnassalluni.
Allaffik ammasarpoq ataasinngorneq – tallimanngorneq nal. 09:00 – 12:00 – 13:00 - 14:00, pingasunngornermi matoqqasarluni.
Sapaatip akunneranut akunnerit 20-it suliffigineqartarput SIK/HK-mi isumaqatigiissutit malillugit akissarsiaqartitsisoqarpoq qaammammusiaqartitsinikkut.
Qaammatit siulliit pingasut misileraaffiussallutik.
Atorfik pillugu erseqqinnerusumik paasiniaasoqarsinnaavoq Esther Frederiksen tlf. +299 61 47 01 imal. Mail: esfr@kujalleq.gl
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik januarip ulluisa 30-ani 2026.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Ansøgningsfrist: 30. januar 2026