Pillorissaasumut ikiorti/oqalutsi Kommune Kujallermi Pillorissaasoqatigiinni Qaqortumiittumi suleqataasussaq.
Pillorissaasoqatigiinni suleqatissarsiorpugut, immaqa illiuvoq suleqatissarput?
Pillorissaasuumut ikiortimik/oqalutsimik ulluinnarni kommunip innuttaasuinut tapersersuisinnaasumik aamma pillorissaasunut tapersersuilluarsinnaasumik amigaateqarpugut.
Ulluinnarni suliassat allaffissornermilu suliassat suliassaraatit ilaatigut makkuupput:
- Pillorissaasunut oqaluttaaneq, oqarasuaatikkut, innuttaasumut pulaarnermi oqaluttaaneq aamma Pillorissaavimmi sungiusaanermi oqaluttaaneq Aamma allakkatigut nutsigassanik takkuttoqartassaaq.
- Pillorissaasut innuttaasunut sungiusarnissamik isumaqatigiissusiornerannut ikiortaaneq, sungiusaatinik inisseeqataaneq aamma innuttaasut eqqortumik sungiusarnersut nakkutigalugit.
- Iluaqusersuutit innnuttaasunut tunniunneqartarnissaannik iluaqusersuutillu innuttaasunut pajugutigineqartarnissaanni kiisalu taakkunannga aaneqartarnissaannik qulakkeerinninneq aamma tamanna pillugu uppernarsaasiineq.
- Sapaatip akunnikkaarlugu sungiusaavimmi allaffimmilu eqqiaaneq.
Illit suleqatissarput tassaassaatit:
- Kalaallisut danskisullu oqalussinnaasoq allassinnaasorlu.
- Aalajaatsoq, sungiussiasoq aamma inussiarnersoq.
- Peqqissartoq, aaqqiissutissanik ujartuillaqqissoq, sulianik assigiinngitsunik pilersaarusiorluarsinnaasoq.
- Suliffimmi isumagissaarluni suleqataasinnaasoq suliffimmullu tunniusimalluartoq.
- Qarasaasianik nalinginnaasumik ilisimasaqartoq piginnaasaqartorlu.
Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
massakkut timimik sungiusaasunik pingasunik, pillorissaasumik ullup affaani sulisartumik ataatsimik, pillorissaasumut ikiortimik/oqalutsimik ataatsimik sulisoqartussatut aalajangersimasimapput, innuttaasut pingaarnertut sullittakkagut tassaapput inuit innarluutillit (meeqqat aamma) utoqqaallu.
Akissarsiat atorfinitsitaanermullu tunngatillugu isumatigiissutit atuuttut najoqqutarineqassapput.
Suleqatigiittut attaveqaqatigiilluarneq suleqatigiilluarnerlu pingaartipparput, innuttaasunut pitsaanerpaamik neqerooruteqarnissarput anguniarlugu pikkoriffitsinnik piginnaasatsinnillu kivitseqatigiittarluta.
Sapinngisamik immitsinnut ikioqatigiittarpugut, soorunami aamma iluaqusersuutit, sungiusaatit, sungiusaariaatsit kiisalu allaffissornikkut suliassat soorlu mailit, paasissutissat, suleqatigisanut attaveqariaaseq pillugit ilitsersuuneqassaatit.
Sapaatip akunneranut sulineq akunnernik 40-nik sivisussuseqarpoq, ataasinngornermiit tallimanngornermut nal. 08-16 sulisoqartarluni. Atorfininneq isumaqatigiissuteqarnikut pissaaq Ingerlaavartuimik oqaloqatiginnittoqartarpoq.
Atorfik assigiinngitsunik suliassaqarfiusoq suleqatigiit akornanni qaffasissumik sulianut ilisimasaqarifusoq quiasaarfiulluartorlu soqutigigukku tusagaqarfigerusuppatsigit!
Atorfik pillugu paasissutissat sukumiinerusut pissarsiarerusukkukkit uunga attaveqarsinnaavutit
Susanne Buch Sporsheim
Kommune Kujallermi pillorissaavimmi aqutsisoq+299 64 83 22 / +299 52 08 26subu@kujalleq.gl, imaluunniit Pillorissaavimmut saaffigivinninnikkut
Qinnuteqarnissamut killissarititaasoq: februaarip 28.-at, 2026