Kalaallit Nunaanni meeqqanut aamma inuusuttunut suleqatinullu - allanngueqataarusuppit? Isumaginninnermi siunnersortinut aqutsisutut sulisorilertigit - Kujataani pinngortitaarsuup qeqqani!
Martsip ulluisa aallaqqaataa 2026 imaluunniit isumaqatigiissuteqarnikkut atorfinittussamik.
Suliffiup sumi inissisimanera: Meeqqanut inuusuttuaqqanullu suliassaqarfik, Qaqortoq
Atorfik: Inunnik isumaginninnermut siunnersortinut aqutsisoq
""Ukiut pingasut qaangiuppata neriuuteqarsinnaalersimalluta periarfissanik takunnissinnaalersimanissarput neriuutigaara. Tassa ikinnerusut nunatsinnit aallartalersimasut nunarpullu meeqqanut ineriartorfiullunilu toqqissisimaffiulluni meeqqanut, inuusuttunut ilaqutariinnullu angerlarsimaffiusoq." – Meeqqat oqaaseqartartuat Stina Sværd
Ingerlatsivimmi killiliussanik aamma ilusinik pilersitserusullutit takorloortarpiuk, ataatsimooqatigiinneq, qanilaarneq aamma kulturikkut paasinninneq isumaginninnermi sulinermi, ingerlaqatigiittumi? Qaagit inunnik isumaginninnermullu siunnersortinut aqutsisunngorit, qulaatungaaniittut issuaanermi assinganik ullut tamaasa takorluukkatsitut suliffigisatsinni.
Kommune Kujalleq maannakkut immikkuullarissumik inissisimavoq, Inatsisartut meeqqat tapersersorneqarnissaanut inatsisaat atorunnaarallartinneqarnikuummat. Tamanna isumaqarpoq ingerlatsivimmiippugut allanngoriartortumi, 2024 novemberimili Naalakkersuisut qaffasinnerusumik ingerlatsivimmi akisussaaffik tigummilersimagallarpaat. Ullorni qaninnerni malugiartulissavat isumaginninnermi sulisut aamma Isumaginninnermi Aqutsisoqarfik peqatigalugu qanimut suleqatigiinnerput. Isumaginninnermi aqutsisutut suliatigut siunersioqatigiittarneq tapersersorneqartarnerlu periarfissagissavatit, suliarnut alliartorniassagavit suleqaternullu isumannaatsumik killissarititanik pilersitsiniassagavit.
Suliassatit nutaat tassaalissapput ilaatigut:
- Suliniutinik nutaanik ineriartortitsinermi tapeeqataaneq, meeqqat inuusuttuaqqallu atugarissaarnissaannut nukittorsaasumik.
- Sulianik suliarinnittartut aamma sulianik suliarinnittarneq pingaarutilimmik ataqatigiissaarisutut aqutsisutullu inissisimaneq.
- Tunaartaq aamma suliassanik paasisimasaqarneq qulakkeernissaanut peqataaffiginissaa, sulianik suliarinnittartut qanimut suleqatigeqqissaarlugit.
- Pinaveersaartitsinermik aamma ujartuisarnikkut - suliffeqarfiit assigiinngitsut suleqatigalugit aamma najukkami inuiaqatigiinni - sulineq.
- Suliani suliat aamma sulianik suliarinnittarnerit tamaasa "piginnittutut" inissittarnissaq tamanna suliat ingerlaavarnerat qulakkeerniarlugu.
- Sulisut atungarissaarnissaanut tapeeqataaneq, sulisut atungarissaarnissaat, ineriartorneq aamma allaffissorneq assersuutigalugu: isumaginninnermi upalungaarsimasussat pilersaarusiornissaat.
Ilinnut tunngasut
Takorloorparput isumaginninnermi siunnersortitut ilinniarsimasuusutit sulianut uummataa inissisimalluaqqissaartoq. Eqqissisimaqqissaartutut pisuni pissusilersorsinnaavutit aamma tamakkiisumik isiginnissinnaallutit. Sapiitsuuvutit aamma suleqatit nuannaralugit ilagalugit meeqqat inuusuttuaqqallu sunnertiasut kommune kujallermi sullillugit kivitseqataasinnaallutit.
Iluaqutaasaaq illit:
- Isumaginninnermi siunnersortitut ilinniarsimasoq, ajornanngippat attuumassusilimmik ilinniaqqinnikoq.
- Aqutsinermik misilittagalik imaluunniit tamanna sapernagu misilikkusussagit.
- Suleqatit pitsaasut ilagalugit ingerlalluarsinnaasutit aammalu qamaninnguaq pinngortitarsuaq silateralaaniittoq inuuffigalugu.
- Oqartussat assigiinngitsut suleqatigalugit nuannarisuugit.
- Alapernaatsoq aamma aaqqiissutissanik ujarlillaqqissoq.
Taava qinnuteqarit ilinnut takusinnaaguit:
- Sulineq isumalerujuk, suleqatinut aamma kommunip meerartaat inuusuttuarartaanullu suliniuteqataanerit assut allanngueqataasoq
- Sulineq suliassatigut avatangiisilik suleqatigiit imminnut tapersersortut
- Suliffik nammineq ingerlatassaq, ullorlu qanoq ingerlassaneranut nammineq akisussaaffigalugulu pilersaaruteqarfissaanullu periarfissaqarluartoq.
- Inuttut suliatigullu ineriartornissamut periarfissat pitsaasut.
- Kalaallit nunaata kujataani inuusaaneq asseqanngitsoq, qaqqarsuit, kangerluit arsarnerit ulluinnarsiutigilissavatit.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.
Atorfik pillugu paasissutissat sukumiinerusut sulianik aqutsisumit Ivalu Lund Hammeken pissarsiarineqarsinnaapput e-mail ivul@kujalleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februar-ip ulluisa arfineq pingajuat 2026 nittartagarput aqqutigalugu.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutinneqalerpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: februaarip 8.-at, 2026