Pisortanit ikiorsiissutilerivimmi Pensionilialerivimmilu isumaginninnermi siunnersortit aqutsisuat / ingerlatsivimmi aqutsisoq.
Kommune Kujalleq Pisortanit ikiorsiissutilerivimmi Pensionilialerivimmiluisumaginninnermi siunnersortit aqutsisuanik /ingerlatsivimmi aqutsisumik 1. februar 2026 imaluunniit sukumuunerusumik isumaqatigiissuteqarnikkut atorfinittussamik suleqatissarsiorpoq.
Atorfik pillugu
Isumaginninnermi siussortit aqutsisuatut/ ingerlatsivimmi aqutsisutut kommunimi illoqarfinni nunaqarfinnilu Pisortanit ikiorsiissutilerivimmut Pensionilialerivimmullu tunngasunik aqqussuussinermi, ataqatigiissarinermi pitsaassutsimmillu qulakkeerinninnermi qitiusumik inissisimassaatit.
Sulianik aqutsinermut, isummersoqatigiinnernut, sullissisunut ilitsersuinermut kiisalu inatsisit aammalu kommunimi maleruagassat atuuttut naapertorlugit sulianik ingerlatsisoqartanissaanik qulakkeerinnimermut akisussaaffeqassaatit.
Naatsorsuutigaarput illit:
- Isumaginninermi siunnersortitut imaluunniit isumaginninnermut attuumassutilimmik ilinniarsimasuusutit, aamma ajornanngippat aqutsinnermik ilinniarsimasuututit - imaluunniit
- oqartussaqarfinni sullissinermik misilittagalimmik atorfinititserusussinnaavugut.
- Aqutsinermik misilittagartuusutit imaluunniit sulianik aqutsinermik namminerlu aqutsisinnaanermik misilittagaqarluartuusutit
- Isumaginninnermut inatsisinik ilisimasaqartutit
- Allaffissornikkut aningaasaqarnikkullu suliassanik misilittagaqartutit
- Aaqqissuusaasumik, namminersortumik, ataatsimullu isiginniffiusumik suliaqarsinnaasutit
- Ulluinarni ulapaarfiusumi ilaatigullu ullunnarni siumut naatsorsuutigineqarsinnaanngitsumi sulilluarsinnaasutit aamma naleqqussarsinnaasutit
- Suleqatigiuminartuusutit, avataaniit attaveqarnernik pilersitsisinnaallutillu attassisinnaasutit
- Oqalunnikkut allattariarsornikkullu paasinartumik paatsuugassaanngitsumillu attaveqarsinnaasutit
- Suliffimmi avatangiisit pitsaasuusut pingaartikkitit, aalajaatsutit sullissillaqqissutillu
Akisussaafiit
- Tulliuttut akisussaaffigisassavit ilagai:
- Najukkami isumaginnittoqarfimmiit aamma isumaginninnikkut sullissivinniit isumaginninnermut ataatsimiititaliamut inassuteqaatit tamarmik qitiusumik isumaginnittoqarfimmut ingerlateqqinneqartarnissaanik qulakkeerinninneq kiisalu inassuteqaatit tamarmik paasissutissanik uppernarsaatinillu pisariaqartunik imaqarnissaanik qulakkeerinninneq
- Isumaginnimmermut Ataatsimiititaliap aalajangigai sullissisunit attuumassuteqartunit piviusunngortinneqarnissaanik qulakkeerininnieq
- Isumaginninnermi inatsisissat nutaat pillugit tusarniaanernut akissuteqaasiortarnissamut peqataaneq
- Kommune Kujalliup isumaginnittoqarfiani sulisut pillugit suliat suliarineqarnerannut peqataaneq, soorlu atorfinitsitsinermut, mianersoqqusinermut, soraarsitsinermut, atorfiit pillugit nassuiaatinik naleqqussaanermut allanullu atatillugu.
- Naammagittaalliutinut tunngatillugu nammineq suliassaqarfimmi ataqatigiissaarisuuneq kiisalu piffissaq eqqorlugu naammagittaalliutit paasissutissanik pisariaqartunik nassiussisoqartarnissaanik qulakkeerinninneq
Meeqqanik pinerliisimannginnermut uppernarsaat
Atorfik pineqartoq meeqqanut pinerliisimannginnermik uppernarsaammik pissarsinissamut inatsisitigut pisussaaffeqartitsivoq. Kommune Kujalliup meeqqanut pinerliisimanginnermik upparnarsaat tigeerpagu naliliiffigereerpagulu aatsaat atornititsisoqarsinnaavoq.
Akissarsiat atorfinitsitaanermullu tunngasut
akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup kingorna allamut angalaneq kiisalu pigisanik assartuinermut aningaasartuutit akilerneqassapput.
Atorfik pillugu paasissutissat sukumiinerusut pissarsiarineqarsinnaapput una saaffigalugu: sulianik aqutsisuugallartoq Kirsten Johnsen kijo@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik kommunimut tunniunneqariisapput kingusinnerpaamik februaarip ulluisa arfineq sisamaat 2026 nittartagarput aqqutigalugu.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: februaarip 9.-at, 2026