Meeqqerivik "Angaju" meeraaqqerivimmut, meeqqerivimmullu perorsaasunik marlunnik amigaateqarpoq.
Meeqqerivik “Angaju”-mi meeraaqqerivimmut, meeqqerivimmullu perorsaasunik marlunnik amigaateqarpoq. Apriilip ulluisa aaqqaataa 2026 atorfinittussamik imaluunniit isumaqatigiissuteqarnikkut.
Meeqqerivik “Angaju” meeqqanut 64-nut naatsorsuussaavoq 0-6 ukiulinnut. Sulisut katillugit 15-iuppput, taakkua iluanni pisortaq ilaalluni.
Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.
Naatsorsuutigaarput:
- Perorsaasutut ilinniargalik.
- Qanilaartoq meeqqanullu kajumissaarisoq
- Meeqqat ataasiakkaat pisariaqartitaannut eqqummaarittuunissat
- Kalaallit oqaasiinik atuisinnaasoq aammalu qallunaat oqaasiinik atuisinnaasoq piumasaqaataanngilarli qallunaatut aamma oqaaseqartuunissaq.
- Unneqqarissuunissat aamma ammasuunissat
- Suliassarsiullaqqissuunissat aammalu akisussaaffimmik tigusisinnaanissat meeqqallu ineriartortinnissaannut pimassuseqarlutit
- Atuisunut, suleqatinut meeqqanullu suleqatikkuminartuusutit
- Sulisutut ineriartornissamut ammasuunissat piumassuseqarnissat aammalu avitseqatigiissinnaanissat
- Perorsaasut qanimut suleqatigissavatit
- Aalajaatsoq piffissamilli ataqqinnittoq
- Suliarput pillugu perorsaanermut tunngasunik oqalliseqataanissannik piumassuseqartutit.
Meeqqeriviup tunaartaa:
- Meeraq qitiutillugu suleqatigiinneq
- Meeqqat ataasiakkaat ataatsimullu pisariaqartitaat aallaavigalugit suleqatigiinneq
- Meeqqap killiffia aallaavigalugu sammisaqarneq
- Meeqqap namminiussuseqarluni / peqateqarluni pinnguarsinnaanera
- Inuiattut kinaassuserput toqqammavigalugu periarfissat assigiinngitsut atorlugit perorsaanikkut ineriartorfiusoq.
Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Akissaatinut atorfinitsitaanermullu tunngatillugit atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq malillugu atorfinititsisoqassaaq.
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Annertunerusumik paasisaqarusukkuit unga saaffiginnissinnaavutit Maren-Marie J Berthelsen angaju@kujalleq.gl Oqarasuaat 648326
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik Februaarip ulluisa 17-at 2026 nittartagarput aqqutigalugu.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: februaarip 17.-at, 2026