Utoqqaat illuanni Ajarsivasimmi allaffimmi fulmægtigimik pissarsiorneq.
Ajarsivasimmi suleqatigiinni peqatigiilluni ineriartortitsinermut suleqatigiinnermullu sunniuteqarusuttumik allaffimmi fuldmægtigitut atorfik inuttassarsiuunneqarpoq. Utoqqaat illuanni Ajarsivasimmi allaffimmi fuldmægtigimik pikkorissumik kajumilluartumillu martsip ulluisa 2026 aallarnerfigalugu isumaqatigiissuteqarnikkulluunniit atorfinittussamik pissarsiorpugut.
Ajarsivasik pillugu:
Ajarsivasik utoqqarnut angerlarsimaffiuvoq 49-nik najugaqartoqarsinnaasoq. Najugallit immikkoortortanut pingasunut agguataarsimasuupput, immikkoortortami Ivimmi (puigortunut immikkoortortaq) 11-nik najugaqartoqarpoq.
Ukiliusami najugaqartut 18-iupput Orpimmiutamilu najugaqartut 18-iullutik.
Ajarsivasimmi sulisut 40-60-it missaanniipput, taakkulu najugaqarfiit immikkoortortaanni, igaffinni, pedelitut, pedelit ikiortaattut, biilertutut, erruivimmi, eqqiaasuni aamma allaffimmi sulisuupput.
Atorfik ulloq naallugu suliffiuvoq, sapaatip-akunneranut akunnerit 40-it. 8-16 suliffigissavatit.
Naatsorsuutigaarput:
- Allaffimmiutut HK-tut assigisaatulluunniit ilinniagalik aamma/imaluunniit assingusumik sulinermik misilittagaqartoq.
- Suliassanut nutaanut suliniutinullu ajunngitsumik isumaqarnissaq.
- Sullisserusussuseqarluartoq.
- Aaqqissuussillaqqissoq.
- Pinerluuteqarsimannginnermut uppernarsaat.
Tamatuma saniatigut pingaartipparput, illit:
- Paatsiveerunnak qassiinik suliaqarsinnaasutit.
- Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
- Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat.
- Sulisut ataatsimiinneranni ataatsimiinnernilu allani imaqarniliorsinnaasutit.
- Missingersuutissatut siunnersuutinik qaammatit tamaasa sulisunut saqqummiisinnaasutit.
- Aallussilluarlutit aamma aaqqissuussaasumik sulisinnaassuseqartutit.
- Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat.
- Arlalissuarnik suleqateqallaqqissuusutit, ammasuusutit.
Naalakkersuisut kiisalu Sulinermik Inuussutissarsiuteqartut Kattuffiata niuernermi allaffissornermilu kiisalu fuldmægtigitut sulisut pillugit isumaqatigiissutaat naapertorlugit akissarsiaqartitsisoqarlunilu atorfimmi atugassaqartitsisoqassaaq.
Avataaneersunut inissaqartitsisoqarsinnaavoq malittarisassat qaqugukkulluunniit atuuttut malillugit sillimmatinillu / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.
Atorfik pillugu paasissutissat sukumiinerusut utoqqaat illuanni pisortaagallartumit Aka Motzfeldtimit pissarsiarineqarsinnaapput e-mail akmo@kujalleq.gl
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik jannuaarip ulluisa 27-iat 2026.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-filinngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: januaarip 27.-at, 2026