Inuussutissalerinermik assistentinik pingasunik sulisussarsiorpugut
Qaqortumi utoqqaat illuanni "Ajarsivasimmi" nerisassiornermi ikiortitut atorfiit pingasut novembarip ulluisa aallaqqaataat 2024 isumaqatigiissusiornikuulluunniit inuttalerniarneqarput.
Ajarsivasik aaqqissugaanikkut Isumaginnittoqarfimmi inissisimavoq. Utoqqaat illuat Ajarsivasik marlunnik immikkoortortaqarpoq, tassa ikiortariaqalinnut immikkoortortaq taavalu puigortunngortunut immikkoortortaq.
Atorfiup taaneqartup saniatigut Utoqqaat illuanni aamma makku sulisuupput: peqqissaasut, timikkut piginnaanngorsaasut, sundhedsassistentit, sundhedsmedhjælperit, sundheds- aamma socialhjælperit, igaffimmiut, pedel, biilertoq, errorsisartut aammalu ikiortit.
”Ajarsivasik”-iup igaffia 2002-imi sanaajuvoq. Igaffik najugaqartunut 48-inut nerisassiortarpoq.
Kiisalu illoqarfimmi 20-it nerisassiuunneqartarput.
Sulisunik aalajaatsunik suleqatikkuminartunillu, sullitatsinnut peqqinnartunik nerisassiornissamut soqutiginnittunik allanngueqataarusuttunillu kissaateqarpugut.
Suleqatit aalajaatsut kiisalu assigiinngissitaartorpassuarnik, peqqinnartunik kimituunillu nerisassiornermut sapiissuseqartunik kissaateqarpugut.
Sukkuttortunut, sapigalinnut, kimituutortariaqartunut kiisalu allarpassuarnik nerisassiortarpugut, taamaammat suleqatissavut nerisanut taama ittunut misilittagaqarpata qujanassaaq.
Igaffitsinni suleqatigiinnguuvugut, ataatsimoorluartuuvugut kiisalu suliassanut suugaluanut assut sapiissuteqarluta.
Inuussutissalerinermut ilinniarsimasut pillugit Naalakkersuisut, Aningaasaqarnermut ministeriaqarfiup kiisalu SIK-ip isumaqatigiissutaat naapertorlugit akissarsiaqartitsisoqassaaq suliffimmilu atugassaqartitsisoqassalluni.
Sulilertussamut inissaqartitsisoqanngilaq.
"Ajarsiavimmi" atorfik pillugu paasissutissat sukumiinerusut pisortaagallartoq Naja Paviasen napa@kujalleq.gl mobil nr. 541154.
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput oktobarip ulluisa 18-iat 2024.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: oktobarip 18.-at, 2024