Kommune Kujallermut allattoqarfimmi pisortaq
Annertuumik akisussaaffeqarlutit, aqutsisuullutit assigiinngissitaartunillu suliassaqarlutit sulilluartarpit? Innuttaasunut, politikerinut sulisunullu pitsaasunik atugassaqartitsinissamut piumassuseqarluarpit? Taava immaqa tassaavutit allattoqarfimmi pisortassarput!
Kommune Kujalleq allattoqarfimmi pisortamik januaarip aallaqqaataani 2025-mi imaluunniit isumaqatigiissut malillugu atorfinittussarsiorpoq. Atorfimmi pisortaaneq qullersarineqassaaq atorfillu Qaqortumiilluni.
Allattoqarfimmi pisortap allattoqarfimmi suliassanik agguaassalluni akisussaaffigaa aammalu kommunalbestyrelsimi aningaasaqarnermullu ataatsimiititaliami politikkikkut ataatsimiinnerit piareersarnissaat qulakkiigassaraa. Taamaasillutit qitiusumik inissisimassaatit ulluinnarni politikkikkut aqutsinermi sulisullu akornanni.
Allattoqarfimmi pisortatut politikkikkut kissaatit periutsillu pitsanngorsassavatit, ingerlatsinermik pitsanngorsaanissamut siunertaqassaatit aningaasaqarnikkullu aqutsinermi akisussaassallutit kiisalu kommunip immikkoortortaani suleriaatsitigut aningaasaqarnikkut kiisalu sulisoqarnikkut nukissanik atorluaaneq qulakkiissallugit. Ulluinnarni ulapaarfimmi aqutsisutut suliassat soqutiginartorpassuit nammalluarsinnaallugit sulisinnaassuseqarputit aammalu kommunimi suliassaqarfinni tamaginni suleqatigiinnissap pingaassusaa ilisimalluarpat.
Allattoqarfimmi pisortatut aqutsisut tallimat suleqatigissavatit, tamatumani Narsami Nanortalimmi allaffissornikkut pisortat kiisalu sulisut aqqanillit sulisorissallugit. Allattoqarfik tamakkerlugu sulisut 44-inut amerlassusiligaapput.
Allattoqarfiup pisortaata akisussaaffeqarfii tassaapput
- Allattoqarfimmi allaffissorneq.
- Illoqarfinni nunaqarfinnilu Sullissivinni/innuttaasunik sullissivinni aqutsineq.
- Qarasaasialerivimmi aqutsineq.
- Oqalutseqarfimmi aqutsineq.
- Attaveqaqatigiinnermut suliassaqarfimmi aqutsineq.
- Eqqiaanermik suliassaqarfimmi aaqqissuussineq.
Suliatigut piginnaasat makku naatsorsuutigaavut:
- Ilinniagartuutut naleqquttumik ilinniagaqarsimassasutit.
- Ersarissumik aqutsinermik aningaasaqarnermillu aqutsinermik milisittagaqartutit.
- Politikikkut aqutaalluni aaqqissugaasumi suliaqarnissamik misilittagaqartoq.
- Pisortani ingerlatsinermi inatsisinillu ilisimasaqarneq.
- Nammineerlutit, aaqqissuulluakkamik anguniakkannillu aalajangiussisimalluartuullutit sulisinnaassasutit.
- Suleqatikkuminartoq, ammasoq tamatigoortorlu.
- Oqaatsitigut allakkatigullu attaveqarluarsinnaasoq.
- Suliniuteqarumassutsimik iliuuseqarsinnaanermillu takutitsisinnaasoq.
- Ataatsikkut arlalinnik suliaqarsinnaassuseqartoq.
Kalaallisut qallunaatullu oqallorillutillu allallaqqipputit.
Akissarsiatigut atorfeqarnermilu atugassarititaasut
Akissarsiat- aamma atorfininnermi atugassarititaasut, matumani atorfininnermut aamma sorarnermut atatillugu angallanneqarnermut kiisalu pisattat angallanneqarnerinut pisinnaatitaaffiit ilanngullugit atorfininnerup nalaani Kalaallit Nunaanni Namminersorlutik Oqartussat aamma suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaq Allattoqarfimmi pisortaq atorfik akissarsiat qaffasissusaanni >>Løntrin 36<<-miittoq malillugu akissaateqarpoq.
Inissaqartitsisoqarsinnaavoq malittarisassat qaqugukkulluunniit atuuttut malillugit sillimmatinillu / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.
Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput: Pisortaaneq Tine Pars, tipa@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik novembarip 22-ianni 2024 nittartagarput aqqutigalugu kommunimit tiguneqareersimassapput.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: novembarip 22.-at, 2024