Qaqortumi Sullissivimmi overassistent ullup affaani sulisartoq
Sullissivik overassistentimik Qaqortumi ullup affaani sulisussamik, decemberip ullisa aallaqqaataat 2024 imaluunniit erseqqinnerusumik isumaqatigiissuteqarnikkut atorfinittussamik sulisussarsiorpoq. Allattoqarfimmi pisortaq overassistentip qullerisarissavaa.
Suliassat pingaarnerit makkuupput:
- Innuttaasunik kiffartuussineq
- Piffissamik inniminniinerit
- Suliassat inuit aqqisa allattorsimaffiannut tunngasut
- Sulianik suliareqqitassanngortitassanik isumaginninneq
- MitID
- Nunaqarfinnik sullissineq
Atorfimmut tunngatillugu pisinnaasat/naatsorsuutigisat
- Naleqquttumik ilinniakkat, allaffimiusut ilinniarsimaneq assigisaaluunniit
- Inussiarnersoq, namminersorsinnaasoq, aamma sungiussiallunilu aaqqissuussinermut piginnaasaqartoq, suliassanut nutaanut paasiniaasinnaasoq aamma tamanik ataatsimut isiginnissinnaanermik attassisinnaasoq, peqqutigalugu immikkoortortaqarfiit, innuttaasut kiisalu suleqatit avataanersut annertuumik attavigineqartartussaammata.
- Kalaallisut qallunaatullu oqallorissuuneq
- Ingerlatsivimmi suliaqarnermik misilittagaqarneq
- Pinerluuteqarsimannginnermut uppernarsaat
- Aalajaatsuuneq, pimoorussineq aamma suliamut, suleqatinut innuttaasunullu qiimasuuneq
- Ingerlatsivimmi ulapaarfiusumi persuarsiornanngitsumilu sulinermik nuannarisaqartutit
Qinnuteqartoq atuagarsornikkut naatsorsuuserinermut ilinniarsimanermi saniatigut atorfimmi suliarineqartussanut uppernarsarneqarsinnaasumik misilittagalik salliutinneqassaaq. Piumasaqaatit taakku naammassisimagukkit immikkoortortami nuannersumi suliamut sunniuteqarluarfigisassani kommunip atorfimmik neqeroorfigisinnaavaatit.
Sulinngiffeqartoqartillugu, napparsimasoqartillugu allatigullu sulinngittoqartillugu immikkoortortami sulisut suliassatigut tamakkiisumik tapertareqatigiittarnissaat pingaartinneqaqaaq.
Atorfik ullup affaani suliffiusarpoq, piffissallu suliffiit tassaapput ulluinnarni nal. 10.00-imiit 14.00-mut, sisamanngornermili nal. 10.00-imiit 15.00-mut.
Niuertarfimmiut allaffimmiullu pillugit Naalakkersuisut SIK-rlu isumaqatigiissutaat naapertorlugit akissarsiaqartitsisoqarlunilu atorfimmi atugassaqartitsisoqassaaq.
Inissaq: Atorfimmut atatillugu inissaqartitsisoqanngilaq.
Atorfik pillugu paasissutissat sukumiinerusut allaffissornikkut aqutsisoq Ulla Rafaelsen oqarasuaat (+299) 66 46 01-imut -imut sianerluni imlt. e-mailikkut: ulra@kujalleq.gl saaffiginninnikkut pissarsiarineqarsinnaapput.
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik novembarip ulluisa aallaqqaataat 2024
MALUGIUK: Qinnuteqaatit pappilianngorlugit e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: novembarip 30.-at, 2024