Nanortalimmi qatserisartut aqutsisuat.
Annertuumik akisussaaffeqarlutit, aqutsisuullutit assigiinngissitaartunillu suliassaqarlutit sulilluarluartaruit, qatserisartunut pitsaasumik sinaakkutassaqartitsilluaruit immaqa tassaavutit qatserisartuni aqutsisussarput nutaaq januaarip ulluisa aallaqqaataani 2025 imaluunniit isumaqatigiissuteqarnikulluunniit atorfinittussamik.
Atorfimmi tassani upalungaarsimanermut pisortap tullia saaffigisartagarissavaa atorfillu Nanortalimmiilluni.
Qatserisartut aqutsisuata akisussaaffii.
Nanortallip qatserisarfianut kiiisalu nunaqarfinni Aappilattuni, Narsarmijiini, Tasiusami, Aammassivimmi qatserisarfinni ingerlatsinermut misissingersuutinullu akisussaasoq.
Inatsisitigut piumasaqaatitalinnik ilitsersuineq.
Atorfimmut piginnaasatigut piumasaqaatit.
- Minnerpaamik holderitut ilinniarsimasoq minnerpaamilu ukiuni pingasuni holdlederitut misilittagaqartoq.
- Inersimasunik inulerinermut tunngaviusumik ilinniagaqarsimaneq.
- Putsumut pulasarnermut ilitsersuisoq.
- Ikuallapiloortartulerinermut ilitsersuisoq.
- Biilernermut allagartaq angisooq.
- Qaatusimasoq.
Avataanit qinnuteqartut inissaqartinneqarsinnaapput.Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.
Atorfik pillugu paasissutissat sukumiinerusut pissarsiarineqarsinnaapput upalungaasimanermut pisortap tullia Otto Kielsen saaffigalugu otki@kujalleq.gl imaluunniit upalungaarsimanermut pisortaq Asmus Hansen saaffigalugu asha@kuialleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik decembarip ulluisa pingajuat 2024 nittartagarput aqqutigalugu
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: decembarip 3.-at, 2024