Isumaginninnermik ikiortimik, imaluunniit peqqinnissamik ikiortimik sulisussarsiorneq
Narsami najugaqatigiiffik Nuka isumaginninnermut ikiortimik imaluunniit peqqinnissamik ikiortimik pissarsiorpoq maajip ulluisa aallaqqaataat 2025 aallaqqataani Imaluunniit isumaqatigiissuteqarnikkut .
Qinnuteqartumut piumasaqaatit:
- Isumaginninnermi tarnikkut nappaatilinnik sullissinerup tungaatigut misilittagalit.
- Suliffimmi perorsaanerup tungaatigut sulineq sunneeqataaffigalugulu ineriartortitseqataaffigalugu.
- Kajumissuseqarneq, nutaamik eqqarsarsinnaaneq eqeersimaarnerlu.
- Piffissaq eqqorlugu suliartortarneq aalajaannerlu.
- Avataani suleqatinut ammasuuneq.
Ilinnut neqeroorutigisinnaasavut:
- Suliffik pissanganartoq najugaqartunut atugassarititaasunik pitsaanerpaanik pilersitsinissamik qitiutitsisoq.
- Suliffik nuannersoq sulisunut atugassarititaasunik ataatsimoorussamik akisussaaffeqarfiusoq.
- Sulinermi atugassarititaasut illit misilittakkannik atuiffiusinnaasut.
- Sapaatip akunneranut akunnerit 40-t suliffiusassapput, ullukkut unnukkullu suliffiit nikerartarlutik kiisalu weekendit allortarlugit suliffigineqartassallutik.
Akissarsiat atorfimmilu atugassat isumaqatigiissutit naapertorlugit pissapput.
Atorfik pillugu paasissutissat sukumiinerusut innarluutilinnut ataqatigiisaarisumut Pipaluk Thomassen pith@kujalleq.gl imaluunniit Aviaq Jensen avje@kujalleq.gl pissarsiarineqarsinnaapput.
Qinnuteqaat, pinerluuteqarsimannginnermut uppernarsaatitalik, ilinniagarisimasat suliffigisimasallu pillugit paasissutissartalik, ilinniarnermut uppernarsaatinik kiisalu qanoq sivisutigisumik sulisinermut takussutissartalik allaffeqarfimmiit tiguneqareersimassaaq kingusinnerpaamik apriilip ulluisa arfineq sisamaat k i2025
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: apriilip 9.-at, 2025