Qaqortumi innarluutilinnut marlunnik isumaginninnermut siunnersortissarsiorpoq
Qaqortumi innarluutilinnik sullissivimmi suliassalerisussanik marlunnik pikkorissunik, tunniusimasunik patajaatsunillu kiisalu isumaginninnikkut naleqquttumik ilinniarsimasunik juunip ulluisa aqqarngat 2025, imaluunniit erseqqinnerusumik isumaqatigiissuteqarnikkut, sulilersussamik pissarsiorpoq.
Kommune Kujallermi meeqqanut inuusuttuaqqanullu suliassaqarfik piffissami sivisuumik ilungersunartorsiorfiusimavoq, tamanna pissutigalugu Naalakkersuisut suliassaqarfimmi ingerlatsineq utaqqiisaasumik tigusimavaat.
Tamatumunnga atatillugu Meeqqanut Inunnullu Innarluutilinnut Ingerlatsivik pilersinneqarsimavoq, Innuttaasut pisinnaatitaaffii atungarissaarnissaallu qulakkeerniarlugit, suliassaqarfiit akisussaaffitsinni annertuumik nukittorsarneqarnera aallartinneqarsimavoq. Illit suliassalerisutut innarluutilinnut sullissinermi pingaarutilimmik inissisimavutit.
Immikkoortortaq angisuujunngimat meeqqanut, inuusuttuaqqanut kiisalu inersimasunut, ilaatigut innarluuteqarnertik pissutigalugu angerlarsimaffiup avataanut inissinneqarsimasunut tunngasunik suliaqartassaatit, taamaammat ullormut suliassat assigiinngissitaartassaqaat, illillu inuttut suliatigut ineriartornissannut assut periarfissaqassallutit.
Naatsorsuutigaarput illit:
- Isumaginninnermi siunnersortitut Bacheloreqartutit imaluunniit allamik naleqquttumik ilinniagaqarsimasutit.
- Ataatsimut isiginnilluni sullissinermik misilittagaqartutit
- Pitsaasumik suleqatiginnissuseqartutit, susassaqarfiillu akimorlugit suliffeqarfiup iluaniittunik avataaneersunillu suleqateqarsinnaassasutit
- Allaffissornikkut aningaasaqarnikkullu suliassanik misilittagaqartutit
- Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullutilllu sulissussinermik piginnaaneqartutit
Atorfiup imarisai ilaatigut makkuupput:
- Innarluutilinnut tunngasuni sullissinerit inatsisit atuuttut malillugit ingerlanneqarnissaat qulakkiissallugu.
- Qulaajaaneq, iliuusissatut pilersaarusiorneq kiisalu tapersiissutissanik qinnuteqarneq
- Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.
- Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.
Inunnik isumaginnittoqarfik ilaatigut makkuninnga neqerooruteqarpoq:
Innarluutilinnut tunngasut maanna ineriartortinneqarput, taamaammat qinnuteqartoq naleqquttoq sunniuteqarnissamut periarfissaqassaaq - akisussaalluni ineriartortitsillunilu, sunniuteqarsinnaalluni ilusilersuillunilu, taamaaliussallunilu qullerisarisat qaninnerit suliassaqarfimmilu suleqatit pitsaasut suleqatigalugit.
Sapaatit akunnerannut akunnerit suliffiit 40, isumaginnittoqarfimmi pigaartunut peqataatinneqarnissaq naatsorsuutigineqarsinnaavoq.
Meeqqanut innarliisimannginneq:
Atorfik taanna meeqqanik pinerliisimannginnermut uppernarsaammik pissarsiniartussaatitaaneq pillugu inatsimmut atavoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.
Atorfimmut paasissutissat sukumiinerusut isumaginninnermut siunnersortit aqutsisuannut Ove Lund ovlu@kujalleq.gl paasiniarneqarsinnaapput imaluunniit uunga saaffiginnilluni: Sulianut aqutsisuugallartoq Tina Abildgaard tiab@kujalleq.gl
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik apriilip ulluisa aqqarngat 2025.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-filinngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: apriilip 11.-at, 2025