Kingornutassiaqarfiit Kujataa Qassiarsummi Takornariartitsisussamik pissarsiorpoq
Innovation South Greenland, Kommune Kujalleq aamma KUJATAA Nunarsuarmioqatigiit kingornussaannik allattorsimaffik, Qassiarsummi aasaanerani 2025-imi inummik takornariartitsisinnaasumik tatiginartumik, namminersullaqqissumik ammasumillu pissarsiorput.
Qassiarsummi takornariartitsisutut sulininni, nunaqarfik tamaat sinnerlugu sulissaatit. Qassiarsummi takusassaqqissunut ulluinnarni takutitsisuussaatit. Qassiarsummi nunaateqarnerup aamma kalaallit qallunaatsiaallu oqaluttuarisaanerat pillugit oqaluttuarlutit paasissutissiisassaallutit.
Aalajangersimasumik ulluinnarni ammasarfeqassaatit, saaffigineqarnermilu ammasarfiit avataatigut angallassisinnaanissat naatsorsuutigissavat. Takornariat tikeraallu allat tamatigut salliutillugit sulissaatit.
Qassiarsummi takornarialerisup illukunik eqqaaniittunik aserfallatsaaliornissaat akisussaaffigai, eqqagassaqannginnissaat, ingerlaavartumik ivikkanik killuinissaq (tassunga tunngatillugu junip ingerlanerani Nunatta Katersugaasivianiit pikkorissaasoqassaaq).
Piginnaasat naatsorsuutigineqartut pigissagitit:
- Issittumi takornarianik angallassisutut imaluunniit Arktisk Adventure Guide-itut ilinniarsimanissat, imaluunniit allatigut takornarialerinermut sullissinermilu attuumasumik ilinniarluarsimanissat
- Ikiueqqaarnermik akuerisaasumik allagartaqarnissat, Wilderness First Responder (WFR) pikkorissarfigisimagukku qinerneqarnissaannut iluaqutaasinnaavoq.
- Qaffasissumik tuluttuullaqqittutit, oqaatsinik allanik ilisimasaqarnissaq qinerneqarnissannut iluaqutaasinnaavoq
- Eqqaamasat tunngavigalugit oqalugiarnermi saqqummiinermilu misilittagaqarnissat
- Namminersullaqqissutit, akisussaaffimmik tigusisinnaasutit kisimiillutillu sulisinnaasutit
- Attaveqallaqqissuussasutit
- Aningaasanik aqutsisussaagavit aaqqissuisinnaasutit unneqqarissuullutillu
Akissarsianut atorfininnermullu tunngasut
Aasaq naallugu aalajangersimasumik akissarsiaqassaaq.
Atorfininnissaq Majip naaneranit – Septemberip aallaqqaataa 2025 ilanngullugu pissaaq imatullu ingerlanneqassalluni: Majip naanerani 2025 – KUJATAA Nunarsuarmioqatigiit kingornussaannik ilinniutissat tunniunneqassapput Junip aallaqqaataaniit –September-ip aallaqqaataa ilanngullugu Qassiarsummi takornarialerisoq
Attavissaq
Annertunerusumik paasisaqarusukkuit Aqqaluaq Frederiksen attavigisinnaavat, mail: af@isg.gl
Qinnuteqarneq
Sukumiisumik qinnuteqaasiorit CV-ertalerlugu ilinniarsimaninnilu/-certifikatit ilanngullugit kingusinnerpaamik apriiliip ulluisa 22-ani 2025 ataani atsiortumut nassiunneqassaaq.
Innovation South GreenlandUNESCO World Heritage
Kujataa Site Manager Aqqaluaq Frederiksen af@isg.gl
Qinnuteqarnissamut killissarititaasoq: apriilip 22.-at, 2025