Meeqqerivik "Angaju"-mi Perorsaatut ilinniarsimasumik tullersortissamik pissarsiorpugut:
Perorsaasutut ilinniarsimasumik tullersortimik amigaateqarpugut sulilersussaq juunip ulluisa aallaqqaataat 2025 imaluunniit isumaqatigiissuteqarnikkut.
Meeqqerivik ”Angaju” meeqqanut 64-nut naatsorsuussaavoq 0-6 ukiulinnut.
Sulisoqarpoq katillugit 15-nik, taakkua iluanni pisortaq inissisimalluni, init sisamanut agguagaallutik, init marluk 0-3 ukiullit init tamarik 12-nik meeraaqqanik inissaqarluni. Init marluk 3-6 ukiulinnut meeqqanut 20-nut inissaqarluni.
Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermikpingaartitsisuullutik.
Qaqortoq illoqarfiuvoq eqqissisimasoq ilinniartoqarfiulluni alutornartoq, ukiup ingerlanerani pisoqarfiusarpoq assigiinngitsunik sammisaqartitsiffiusarluni.
Illit perorsaasutut ilinniarsimasuullutit ”Angaju”-mi makkua akisussaaffigissavatit akisussaaffigissavatit:
- Illup ingerlarnganik sutigut tamatigut nakkutiginninneq, taassuma iluani allaffissorneq
- Inatsisartut inatsisaat nr 62, 20. november-meersoq tunngavigalugu suliniuteqarneq
- Illup siunertaanik malitsitsiniartoq
- Angajoqqaanik suleqateqarnermi eqqummaarissuuneq
- Perorsaanilerinermik nakkutiginninneq, nutarsaajuarneq
- Suleqatikkuminartoq, tarnikkut timikkullu nukittooq
- Killiliisinnaasoq
- Suleqatinik ataatsimoortitsisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi ataatsikkoorussisinnaasoq
- Aqutsinermik misilittagaqartoq
- Meeqqanut asannittoq tunniussimasorlu
Meeqqerivik Angajup tunaartaraa:
Meeraq qitiutillugu suleqatigiinneq
Meeqqat ataasiakkaat ataatsimullu pisariaqartitaat aallaavigalugit suleqatigiinneq
Meeqqap killiffia aallaavigalugu sammisaqarneq
Meeqqap namminiussuseqarluni / peqateqarluni pinnguarsinnaanera
Inuiattut kinaassuserput toqqammavigalugu periarfissat assigiinngitsut atorlugit perorsaanikkut ineriartorfiusoq.
Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Sukumiinerumik paasisaqarusukkaanni Meeqqeriviup pisortaa Maren-Marie J. Berthelsen attavigineqarsinnaavoq uunga, oqarasuaat 648326 e-mail: angaju@kujalleq.gl
Qinnuteqaat ilinniagaqarsimaneq, siornatigut sulisimaneq, soraarummeersimanermut uppernarsaatit, oqaaseqaatit allallu ilanngullugit PDF-filimut immiussanik ilallugu kommunip nittartagaatigut tunniunneqassaaq kingusinnerpaamik apriilip ulluisa 22-iat 2025.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: apriilip 22.-at, 2025