Ulluunerani neqeroorutaani Meeraaqqerivimmi “Qatanngutigiit”-ni pisortap tullersortaattut perorsaasumik pissarsiorpugut
Meeqqeriviup qatanngutigiit pisortap Tullersortaanik Perorsaasutut ilinniarsimasumik Nanortalimmi amigaateqarpugut sulilersussaq juunip ulluisa aallaqqaataa 2025 imaluunniit isumaqatigiissuteqarnikkut.
Meeraaqqerivik ”Qatanngutigiit” meeraaqqanut 20-nut naatsorsuussaavoq 0-3 ukiulinnut.
Sulisoqarpoq katillugit 9-nik, taakkua iluanni pisortaq inissisimalluni. “Qatanngutigiit” ammasarpoq nal: 06:45– 16:30-p tungaanut. Suliffik Ataasinngornermiit tallimanngornermut ammasarpoq nalliuttuni weekendtinilu matoqqasarluni, Atuarfeqarnermut, Meeqqeriveqarnermut Nutaaliornermullu Ingerlatsiviup ataaniilluni.
Nanortalimmi meeqqeriviit pingasuupput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.
Nanortalik illoqarfiuvoq eqqissisimasoq alutornartoq, ukiup ingerlanerani assigiinngitsunik sammisaqartitsiffiusarluni.
Illit ”Qatanngutigiit”-ni makkua akisussaaffigissavatit:
- Illup ingerlarnganik sutigut tamatigut nakkutiginninneq, taassuma iluani allaffissorneq
- Illup siunertaanik malitsitsiniartoq
- Inatsisartut inatsisaat nr 62, 20.November 2023-meersoq pillugu suliniuteqarneq
- Angajoqqaanik suleqateqarnermi eqqummaarissuuneq
- Perorsaanilerinermik nakkutiginninneq, nutarsaajuarneq
- Suleqatikkuminartoq, tarnikkut timikkullu nukittooq
- Killiliisinnaasoq
- Suleqatinik ataatsimoortitsisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi ataatsikkoorussisinnaasoq
- Aqutsinermik misilittagaqartoq
- Meeqqanut asannittoq tunniussimasorlu
Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Nunatsinni Perorsaasut kattuffiat aammalu Kalaallit Nunaanni Naalakkersuisut akornanni isumaqatigiissutit naapertorlugit akissarsiaqartitsisoqassaaq.
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Annertunerusumik paasisaqarusukkuit uunga saaffiginnissinnaavutit:
Inerisaanermik Ingerlatsivimmi ilinniartitaanermut kultureqarnermut timersornikkut meeqqeriveqarnermullu pisortaagallartoq Kim Larsen kila@kujalleq.gl oqarasuaat 648142 imaluunniit Perorsaanermik siunnersorti Ivalu Kristensen ivkr@kujalleq.gl oqarasuaat 648140
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik apriilip ulluisa 23-iat 2025 nittartagarput aqqutigalugu nassiunneqassalluni.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: apriilip 23.-at, 2025