Meeraaqqerivik ”Qatanngutigiit” Nanortalik-imi pisortassarsiorpoq
Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit. Pisortaq sulilersussaq juunip ulluisa aallaqqaataat 2025 imaluunniit isumaqatigiissuteqarnikkut.
Meeqqerivik “Qatanngutigiit” meeqqanut 24-nut naatsorsuussaavoq 0-2 ukiulinnut. Sulisoqarpoq katillugit 9-nik.
Nanortalik illoqarfiuvoq eqqissisimasoq alutornartoq.
Nanortalimmi meeqqeriviit Pingasuupput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.
”Qatanngutigiit”-ni pisortatut makkua akisussaaffigissavatit:
- Illup ingerlanganik sutigut tamatigut nakkutiginninneq, taassuma iluani allaffisoorneq
- Meeqqeriviup tunaartaanik malititsisoq
- Inatsisartut inatsisaat nr 62, 20.November 2023-meersoq naapertorlugu suliniuteqarneq
- Angajoqqaanik suleqateqarnermi eqqummaarissuuneq
- Perorsaanilerinermik nakkutiginninneq, nutarsaajuarneq Tunngaviit 7-it aallaavigalugit
- Suleqatikkuminartoq, tarnikkut timikkullu nukittooq
- Killiliisinnaasoq
- Suleqatinik ataatsimoortitsisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi ataatsikoorussisinnaasoq
- Aqutsinermik misilittagaqartoq.
- Meeqqanik asannittoq tunniussimasorlu.
Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaanermi inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.
Atorfimmut inissaqartitsisoqarsinnaavoq malittarisassat qaqugukkulluunniit atuuttut malillugit akilersorneqartussamik.
Annertunerusumik paasisaqarusukkuit uunga saaffiginnissinnaavutit:
Inerisaanermik Ingerlatsivimmi ilinniartitaanermut meeqqeriveqarnermullu pisortaagallartoq Kim Larsen kila@kujalleq.gl oqarasuaat 648142 imaluunniiit Perorsaanermik siunnersorti: Ivalu Kristensen ivkr@kujalleq.gl oqarasuaat 648140
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik apriilip ulluisa 23-iat 2025
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: apriilip 24.-at, 2025