Kommune Kujallermi Meeqqanut Inuusuttunullu susassaqarfimmi ingerlatsisumik/fagchefimik angorumassusilik ineriartornermut qaammaasalik
Juulip ulluisa aallaqqaataa 2025 imaluunniit isumaqatigiissuteqarnikkut atorfinittussaq.
Meeqqat inuusuttullu ineriartornerat, atugarissaarnerulernissaat aammalu peqqissuunissaannut qulakkeerinneqataanissannut siuttoorusuppit?Taava meeqqanut inuusuttunullu susassaqarfik nukittunerulernissaanutsuleqatigerusuppatsigit.
Kommune Kujallermi meeqqanut inuusuttuaqqanullu suliassaqarfik piffissami sivisuumik tatineqangaarsimavoq, tamanna pissutigalugu Naalakkersuisut suliassaqarfimmi ingerlatsineq utaqqiisaasumik tigusimavaat.
Tamatumunnga atatillugu Meeqqanut Inunnullu Innarluutilinnut Ingerlatsivik pilersinneqarsimavoq, Innuttaasut pisinnaatitaaffii atugarissaarnissaallu qulakkeerniarlugit, suliassaqarfiit akisussaaffitsinni annertuumik nukittorsarneqarnera aallartinneqarsimavoq.Meeqqat inuusuttuaqqallu susassaqarfiini sulinermi Ingerlatsisutut pingaarutilittut inissisimassaatit.
Sulinermi pingaarnerpaartaanut ilaassaaq ingerlatsinerup qulakkeerneqarnissaa, taamaattorli aamma sinaakkutissat piumasaqaatillu eqqarsaatersorneqaqqinnissaat ineriartorteqqinnissaallu pisariaqartinneqarpoq. Tamanna toqqammavik nukittorsarneqarnerata ingerlanerani ingerlatsigallarnitsinniaqutsisumik misilittagalimmik ujarlerpugut, periarfissanik takunnissinnaasoq aamma allannguinernik pitsaasunik pilersitsisinnaasoq.
Akisussaaffeqarfiit
Meeqqanut Inuusuttunullu susassaqarfik ingerlatsisup akisussaaffigai, oqartussaaffeqarfik, Ilaqutariinnik paarsisartut. Meeqqanut ilaqutariinnut sullisivik, Ilaqutariit Illui, tamatuma ataani kommunimi tamani qimarnguiit,ornitakkat, aammattaaq Qaqortumi kommunip ullu unnuarlu paaqqinniffiat B-1143. Maannakkut ingerlatsinermi pisortaaneq suleqatigalugu, Meeqqanut Inuusuttunullu Naalakkersuisoqarfik aamma Isumaginninnermi Aqutsisoqarfik aqutsisut suleqatigiinnit ingerlanneqarallarpoq.
Tamatuma avataatigut aqutsisut suleqatigiit tapersersussavaatsit, taakkulu ataaseq Ilaqutariinnut Sullissivimmiinngaaneerpoq, aqutsisut marluk Ilaqutariit illuaniik, Isumaginninnermi Siunnersortini Aqutsisut pingasut aamma forstanderi Pisortaq ataaseq kiisalu utaqqiisaat aamma Isumaginninnermi Aqutsisoqarfik sulisui susassaqarfimmi tapersersuissapput.
Ingerlatsisup suliassai pingaarnerit makkuupput:
- Meeqqat, inuusuttuaqqat aamma ilaqutariit inatsisitigut illersugaanerat qulakkeernissaat
- Meeqqat inuusuttuaqqat aamma ilaqutariit tapersersorneqarnissamut pisariaqartitaat eqqortumik piffissarlu eqqorlugu tamakkiisumillu inuup sukutsitaanik tamanik ikiorneqarnissaat.
- Meeqqat tapersersorneqarnissaanut inatsik aamma nalunaarutit attuumassusillit kommuunip eqqortinneqarnissaanut qulakkeernissaat.
- Sullissinissamut inatsit aqutsilluarnissarlu naapertorlugit ingerlatsineq suliassani suliarinninnermi qulakkeerlugu suliarinnittoqartarnissaq.
- Ingerlatsinermi aqutsisut, ingerlatsivimmi pingaarnertut akisussaasutut Meeqqat- aamma inuusuttuaqqat susassaqarfiini, tapersersornissaat, ilaatigut ingerlaavartumik suliassaqarfimmi killiffik ilisimatitsissutiginissaanik aamma suliat pillugit isumasioqateqarneq.
- Ulluinnarni ingerlatsinerit qulakkeernissaat sulianik suliarinninnermi aamma inissiinerni aqutsisut susassaqarfimminik sulinerannik illoqarfinni pingasuni tamani tapersersornissaat.
- Sumiiffimmi allaffeqarfinni suliat tungaasigut siunnersuillunilu ilitsersuineq, suliani imaannaanngitsunik suliaqarnerni aamma inulerinermi attuumassusilinni .
- Sulisunik aqutsineq, sulisunik ineriartortitsineq aamma suliffeqarfimmi atugarissaarneq aqutsisut susassaqarfianni allat ilagalugit
- Suliamut tunngatillugu ilitsersuineq piginnaasanillu ineriartortitsineq aqqutigalugu suleqatit suliaminnut ineriartornerat qulakkeernissaat.
- Immikkoortortaqarfimmi suliat tamaasa ataatsimut takusinnaanissaat aamma pingaarnertigut ataqatigiissaarinissaq tulleriaarineq soorlu assersuutigalugu inissiisarnerit amerlassusaat aamma isumalluutitsigut tulleriaarineq.
- Avataani suliffimilu suleqatigiinneq atortorissaarutilernissaat nukittorsarnissaalu.
- Piginnaatitsissutit naapertorlugit aalajangiisarnissaq.
- Aqutsisut allat peqatigalugit suliassaqarfimmi pisarialinnik malittarisassiorneq, ilitsersuusiorneq, suleriutsinik pilersitsineq.
- Sullisseriaatsit nalunaarsuinerillu ineriartortinneqartarnissaat piukkunnarsarnissaallu kiisalu ingerlatsivimmi sulinerup pitsanngorsarnissaat qulakkeerlugu.
- Meeqqat, inuusuttuaqqat aamma inuit innarluutillit aqutsisoqarfiani aaliagersimasumik ilaasortaq, pingaarnertut ataqatigiissaarineq susassaqarfinnilu ineriartortitsineq akisussaaffigalugu.
- Ingerlaavartumik susassaqarfinni ineriartortitsineq, tamatuma ataani pilersaarutit qanoq ingerlaneranik malitseqartitsisarnerit
- Kommunip nakkutilliisua suleqatigalugu suliassaqarfimmi missingersuutinik nakkutilliisarneq
- Suleqammut qaninnermut aningaasaqarnerup sumut ingerlaneranik paasissutissiineq suliarinninnerlu, pisariaqaraangallu Isumaginninnermut Ataatsimiititaliamut missingersuutinut oqaaseqaatinik qinnuteqarneq oqaaseqaasiornerluunniit.
Ilinnut tunngasut
Sulisussarput suliatigut attuumassuteqarfiusumik tunuliaquteqassaaq soorlu meeqqanut inuusuttunullu susassaqarfinni sulianik suliarinnittarnermi imaluunniit Meeqqanut Ilaqutariinnullu Sullissiviit aamma Ilaqutariit Illui-ni sulinermik misilittagalik, kiisalu aqutsinermik misilittagaqarputit, aqutsisunik aqutsinermik misilittagaqarsimaneq.Aqutsisoq angusaqarusussusilik ujarparput, suliffeqarfimmik qajannaatsumik pilersitseqataasinnaasoq suliamik imaannaanngitsumik pingaarutilimmillu suliaqarsinnaasoq.
Inummik ujarlerpugut tulliuttuni ilisarisaqarsinnaasoq:
- Attumassutilimmik ilinniagalik, soorlu inunnik isumaginnittoq, ilaqutariinnik katsorsaasoq imaluunniit assigisaanik.
- Meeqqat inuusuttuaqqallu suliassaqarfiini misilittagalik, oqartussani aamma/imaluunniit ingerlatsivinni
- Aqutsinermi misilittagaqarluartoq aamma qanittumiinngikkaluarluni qanilaartutut aqutsisinnaasoq.
- Angusaqarluarusuttoq aamma suliffeqarfik eqeersimaartumik pilerseqqinnissaanut, sivisuumik tatineqarnikoq, nukittorsaqqinnissaanullu sapinngitsoq.
- Ineriartorfissanut eqeersimaartoq aamma kissaatilik pitsaasunik allannguerusulluni.
- Suleqatigiillaqqissoq aamma suleqatigiit immikkoortuisa oqaloqatigiinnerannik pilersitsisinnaaneq susassaqarfinni aamma suleqatigiiaakkaani.
- Periusinik aamma aningaasaqarnermullu sulinermi misilittagaqartutit ingerlatsinermik aqutsineq kivissinnaallugu.
- Susassaqarfik annertooq ataatsimut isigisinnaagit tulleriaasinnaallutillu, suliassat amerlaninngorsimagaangata sulisinnaasuninngarnik.
- Sunniussinnaasuseqartoq aamma pisariaqartillugu sulianik ajornakusoortunik aaliagiisinnaasoq.
Uagut neqeroorutigaagut
Suliaq pissanganartoq isumalik, Meeqqat- aamma inuusuttuaqqat susassaqarfiini siunissami sulinissami tunngavimmik killissarisassallu suliarineranni qitiusutut inissisimalissaatit, pingaarnertut susassaqarfiup isumalluutit piginnaasallu patajaallisarnissaat.
Aqutsisut suleqatigiit nutaamik pilersitaq peqataaffigilissavat, Innarluutilinnut susassaqarfimmi fagchefitut atorfik pillugu tassani ujartorneqassaaq aamma ingerlatsivimmi qaffasissumik pisortaaneq ujartorneqassalluni. Isumaginninermi Aqutsisoqarfimmi, Meeqqanut Inuusuttunullu Naalakkersuisoqarfimmiik maannakkuugallartoq aqutsisut suleqatigiit aqutsisuugallassapput.
Kalaallisut/danskisut oqalussinnaasutit, tamannali piumasaqaataanngilaq.
Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Kalaallit Nunaanni Namminersorlutik Oqartussat kattuffiullu isumaqatigiinniarnissamut pisinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput
Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.
Sukumiinerusumik paasisaqarusuppit?
Sukumiinerusumik paasisaqarusukkuit Stina Sværd attavigiuk, oqarasuaat 55 72 80 imaluunniit e-mailikkut: stin@kujalleq.gl
Paasissutissat pisariallit:
Qinnuteqaat pinerlussimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut tunniunneqassaaq kingusinnerpaamik maajip ulluisa 20-iat 2025
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: maajip 20.-at, 2025