MISI Kujallermut immikkut atuartitsinermut siunnersortitssarsiorpoq:
Juulip ulluisa aallaqqaataani 2022-imi atorfinittussamik isumaqatigiissuteqarnikkulluunniit immikkut atuartitsinermut siunnertissarsiorpoq, taannalu Qaqortumi MISI Kujallermi inissisimassaaq.
Atorfiup siunertaa:
Siunnersorti MISI-mi suleqatigiinnut ilaassaaq, taakkulu tassaapput atuarfinnut tarnip pissusaanik ilisimasallit aqutsisuat, tarnip pissusaanik ilisimasalik aamma allaffimmi fuldmægtigi. Siunnersortip suliassarai atuarfinni immikkut atuartitsinermut tunngatillugu siunnersuineq aamma ilitsersuineq, kiisalu Kommune Kujallermi ulluunerani paaqqinnittarfinni immikkut perorsaaniukkut suliniuteqarneq
Atorfik MISI Kujallermi inissisimavoq, siunnersortilu atuarfinnut tarnip pissusaanut ilisimasallit aqutsisuata ataani inissisimavoq.
Akisussaaffii suliassaalu inatsisit aalajangersakkallu atuuttut iluanniipput:
- pillugu Inatsisartut inatsisaat nr. 15 3. december 2012-imeersoq § 15 imm. 1, 2 aamma 3
- atuarfianni immikkut atuartitsineq ikiorsiisarnerlu pillugit Namminersorlutik Oqartussat nalunaarutaat nr. 21 8. dec. 2017-imeersoq.
Pisinnaasat
- Meeqqanut tunngatillugu ilinniarnikkut nalorninartoqartillugu aamma tarnikkut, timikkut maluginiutitigullu ajornartorsiortoqartillugu immikkut perorsaanikkut suleriaaseqarnermik misilittagalik.
- Meeqqanik assigiinngitsutigut piginnaasatigut ajornartorsiuteqartunut aamma/imaluunniit kinguarsimasunut perorsaanikkut misissuisarnernik ilinniartitseriaatsinillu ilisimasalik.
- Angajoqqaanut, ilinniartitsisunut perorsaasunut inunnullu allanut atuartup ineriartorneranut annertuumik pingaaruteqartumik suliniuteqartartunut immikkut perorsaanikkut siunnersuineq.
- Nammineerluni sulisinnaasoq, suliamik aallartitsisinnaasoq, ineriartortitsinissamik pingaartitsisoq minnerunngitsumillu suleqateqarluarsinnaasoq inunnillu allanik akuersaartuulluni isiginnittariaasilik.
- Persuarsiortuunallu nuannaartuusutit.
- Marluinnik oqaaseqartuusutit.
Sullissinerit pingaarnerit.
- Atuartut innersuunneqarsimasut peorsaanikkut misissuivigineqarnissaat isumagissallugu.
- Misissuinernut aamma innersuussinernut tunngatillugu atuarfinnut/ulluunerni paaqqinnittarfinnut aamma susassaqarfinnut attuumassuteqartunut paasissutissiinissap akisussaaffiginissaa.
- Meeqqat immikkut pisariaqartitaannut tunngatillugu malinnaanerit, misissuinerit oqaloqatigiinnerillu pillugit nalunaarusioirtarnissaq.
- Suleqatit allat peqatigalugit ingerlatsinerup pilersaarusiortarnissaa.
- Suliffimmi avataanilu ataatsimiinnerit peqataaffigalugit.
- Meeqqat immikkut pisariaqartitallit pillugit angajoqqaanik, ulluunerani paaqqinnittarfinnik ilinniartitsisunillu siunnersuisarnissaq kiisalu susassaqarfiit pilersaarusiorfigineqarnissaannut siunnersuineq.
- Immikkut atuartitsinerup atuartumut qanoq pissarsissutaasimanera pillugu ataasikaanut atuartitsinissamut nalunaarusiat aamma atuartitsinissamut pilersaarutit atuarlugillu suliarinissaat.
- Atuartitsinissamut pilersaarutit aamma atuartitsinissamut pilersaarutit sunniutaannik malugisaqarnermi qisuariaateqarneq.
Neqeroorutigaavut:
- Ullut suliffiusut pissanganartut assigiinngisitaartorpassuarnik imaqarluartunik susassaqarfiillu akimorlugit suliassaqarfiusut.
- Suliffimmut atatillugu kommunip illoqarfiini pingasuni nunaqarfiinilu qaqutigoortuunngitsumik angalallunilu suliartortarnerit.
- Suleqatigiinni qanimut suleqatigiilluarneq.
- Ineriartortitsinissamut periarfissat pitsaasut.
Meeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Ilinniarsimassutsikkut piumasaqaatit
Meeqqat atuarfiini ilinniartitsisutut ilinniagalik ilinniaqqissimasoq, soorlu immikkut atuartitsinissamut ilinniartitsisutut ilinniarsimasoq, oqallorissaasutut ilinniarsimasoq imaluunniit immikkut ittumik perorsaanermut Perorsaasutut diplomitaarfiusumik ilinniarsimasoq.
Avataaniit atorfinittunut inissamik tunisisoqarsinnaavoq, qularnaveeqqusiissullu inigisamullu akiliut il.il. malittarisassat atuuttut malillugit akilerneqassallutik. Inigisassavimmilli tunineqarnissamut utaqqinissaq naatsorsuutigisariaqassaaq inissaqarniarnermi pissutsit pissutigalugit, taamaammat utaqqiisaagallartumik inissikkallarneqarnissaq naatsorsuutigisariaqarumaarpoq.
Atorfimmut atatillugu sulilernissannut angalanissaq akilerneqassaaq, pequtillu angallanneqarnissaat maleruaqqusat atuuttut naapertorlugit akilerneqassallutik.
Atorfilik Kalaallit Nunaanni meeqqat atuarfiini ilinniartitsisut il.il. pillugit Naalakkersuisut aamma IMAK-ip akornanni isumaqatigiissummi akissarsitinneqassaaq ukiumullu immikkut tapiliussaq.
Suliffeqarfimmut tunngatillugu annertunerusumik paasisaqarusukkuit Suliamut pisortaq Magdaline Geraae mage@kujalleq.gl
Qinnuteqaat ilinniagaqarsimaneq, siornatigut sulisimaneq, soraarummeersimanermut uppernarsaatit, oqaaseqaatit allallu ilanngullugit PDF-filinngorlugit immiussanik ilallugu kommunip nittartagaatigut tunniunneqassaaq kingusinnerpaamik maajip ulluisa 26-iat 2025.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: maajip 26.-at, 2025