Majoriami Nanortalimmiittumi ilinniartitsisussarsiorpoq
septembarip ulluisa aallaqqaataa 2025 isumaqatigiissuteqarnikkulluunniit atorfinittussamik.
Nanortalimmi Majoriaq immikkoortortami aqutsisumik sullissivimmi pisortaatigisumik, susassaqarfimmi aqutsisumik ataatsimik, ilinniartitsisunik/aqqutissiuisunik marlunnik, suliffissarsiuussisartunik marlunnik, overassistentimik ataatsimik kiisalu ilinniartut inaannik nakkutilliisumik sulisoqartussatut aalajangigaavoq.
Ilinniartitsisup/Siunnersortip pingaarnertut suliassai ukuupput:
- Meeqqat atuarfiannit soraarummeernissamut piareersartut atuagarsortuunngitsullu atuartissallugit
- Piginnaanngorsaalluni pikkorissaanerit pilersaarusiortassallugit ingerlatissallugillu (meeqqat atuarfiannit soraarummeernissamut piareersarneq (FA) / atuagarsortuunngitsut
- Skiimaliorneq, takkutinngitsoortunik nalunaarsuineq, ilinniartitsisut tiimiisa nalunaarsornissaat
- Meeqqat atuarfiannit soraarummeernissamut piareersarnissamut (FA) qinnuteqartut tulleriiaartassallugit
- Qarasaasiakkut nalunaarsuineq
Naatsorsuutigaarput illit:
- Ilinniartitaanermi inuussutissarsiutinullu siunnersuisarnermi ilinniakkamik imaluunniit atuartitsissutinik nalunngisanik assingusunik Naalakkersuisut akuerisaannik angusisimanissat.
- Naleqquttumik ilinniagaqarsimassasutit, ajornanngippallu suliassaqarfiit ilaat misilittagaqarfigissagitit.
- Namminersorlutit aaqqissuulluakkamik sulisinnaassasutit.
- Sullissiumatuujussasutit suleqatikkuminarlutit qiimasuullutillu.
- Kalaallisut, tuluttut danskisullu oqaatsit atorluarsinnaagitit.
- Qarasaasiamik ilisimasaqartuusutit.
- Ilinniartitaanernut qinnuteqartunut siunnersuisassallutik qinnuteqartunillu allaffissornikkut aqutsinermik suliaqarlutik.
- Suliffeqarneq pillugu aqqutissiuinissamik kiisalu suliffissaaleqisut suleqatigalugit inummut naleqqussakkanik iliuusissatut pilersaarusiornissamik neqeroortassallutit suliffissaaleqisut ataavartumik suliffeqaleqqullugit.
Namminersorlutik Oqartussani aamma nunatsinni kommunini atorfillit Tiimimmusialinnut isumaqatigiissutaa malillugu atorfinitsitsisoqassaaq.
Malittarisassat atuuttut malillugit ineqarnermut assigiinngitsunullu akiliuteqarfigineqartartussamik atorfimmut atasumik inissaqartitsisoqassaaq.
Atorfinittussap ilaqutaasalu atorfininnermut atatillugu angalanermut nutsernermullu aningaasartuutaat kommunimit isumagineqassapput.
Paasissutissat sukumiinerusut pissarsiarineqarsinnaapput Majoriami pisortaq saaffigalugu, Anders Olsen oqarasuaatikkut 614767 imaluunniit mailikkut uunga anol@kujalleq.gl.
Qinnuteqaat ilinniagarisimasanik, siusinnerusukkut suliffigisimasanik, soraarummeernermut uppernarsaatinik ajornanngippallu oqaaseqaatinik ilalik kingusinnerpaamik juulip ulluisa 20-iat 2025 Kommune Kujallermi Sulisoqarnermut Immikkoortortamit tiguneqareersimassaaq.
Majoriaq Nanortalik
Tuapammiut B-172
Postboks 100
3922 NANORTALIK
Qinnuteqarnissamut killissarititaasoq: juulip 20.-at, 2025