Kommune Kujalleq Nanortalimmi IT-supporterissarsiorpoq
Kommunip qarasaasiatigut atortuinik systemiinillu ingerlatsinissamut aserfallatsaaliinissamullu suliaqarnissannik soqutiginnippit? Taava imaassinnaavoq Kommune Kujallermi illit IT-supporteritut suleqatissarput.
Qarasaasialerinermi siunnersortitut atorfik aggustip ulluisa aallaqqaataa 2025 imaluunniit isumaqatigiissuteqarnikkut inuttalerneqarnissaminut piareersimavoq isumaqatigiissuteqarnikkulluunniit inuttalerneqarsinnaalluni.
Qarasaasialerinermi immikkoortoqarfimmi sulininni suleqatitit peqatigalugit suliassarpassuit assigiinngitsut suliarissavatit, qarasaasialerinermi sulianik ingerlatsineq kommunimi illoqarfinni pingasuni nunaqarfinnilu aqqanilinni pissapput. Kommunip iluani suliassat pisariaqartitallu assigiinngiiaartorujussuupput, qarasaasialerisullu ulluinnaat ingerlanneqarnerinut sunniuteqaqaat.
Suleqatitit peqatigalugit suliat siammasissut suliarisassavasi, tamatumani atuisut sullinneri, aserfallatsaaliinerit kiisalu ikkussuinerit assigiinngitsut. Kommune ingerlaavartumik ineriartorpoq qarasaasiatigullu atortorissaarutit ineriartorneri ilutigalugit tulluarsartuulluni - iPad-it aamma atuartut ulluinnaanni pingaarutilittut inissisimanersimasuupput, taakkulu atorneqarnerisa qulakkeernissaat ingerlannissaallu illit akisussaaffivit ilagissavai.
Suleqatigiit aqutsisuata ataaniissaatit.
Suliassanut akisussaafinnullu tunngasut
• Kommunip atuarfiullu qarasaasiatigut atortui aserfallatsaalillugillu ingerlanneri.
• Hardware-nik software-nillu ikkussuineq
• Atuisunut ikiuunneq qarasaasianilu kukkunernik aaqqiineq
• Sullissineq atuisunillu ilitsersuineq
• Qarasaasialerinermut suliassaqarfimmi suliassat takkuttut ingerlaavartumik suliaralugit
Pisinnaasat
• Uppernarsakkamik qarasaasianik ingerlatsinermik qarasaasialerinermullu sullissinermik misilittagaqarneq, pingaartumik Windows 10-mut misilittagaqarneq
• Microsoft Officemik ilisimasaqarluarneq
• Teknikikkut ajornartorsiutinik kukkunernillu aaqqiisinnaaneq - attaveqaatit sofwarillu aqqutigalugit
• Ulluinnarni iPadip atornissaanik sungiusimasaqarneq
• Pilersaarusiorsinnaaneq nammisortumillu suliaqarsinnaaneq - aamma immikkoortortat akimorlugit
• Suleqatikkuminartuunneq kiisalu atuisut pisariaqartitaannik paasinnissinnaaneq
• Aaqqiissutissanik ujartuilaaqqissuussasutit, peqqissaartuullutillu alapernaattutit
• Kalaallisut, qallunaatut tuluttullu ilisimasaqarneq iluaqutaassaqaaq
Akissarsiat atorfeqartitaanermilu atugassarititaasut:
Akissarsiat atorfinitsitaanermilu atugassarititaasut, tassunga ilanngullugit pisattanik nassiussineq Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissutaasut atorfininnerup nalaani atuutsinneqartut naapertorlugit pissapput.
Maleruagassat atuuttut naapertorlugit inissaqartitsisoqarsinnaavoq.
Paasissutissat sukumiinerusut
Atorfik pillugu paasissutissat sukumiinerusut suleqatigiinni aqutsisumut Mike K. Andersimut saaffiginninnikkut pissarsiarineqarsinnaapput.tlf. (+299) 582203 imaluunniit e-mail: mahl@kujalleq.gl
Qinnuteqaat
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. nittartagarput aqqutigalugu kommunimit tiguneqareersimassapput kingusinnerpaamik juulip ulluisa 30-at 2025.
PINGAARUTILIK: Pappiaqqanik mailikkulluunniit qinnuteqaatit tiguneq ajorpavut. Qinnuteqaat nittartagarput aqqutigalugu nassiunneqassaaq.
Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput.
Qinnuteqarnissamut killissarititaasoq: juulip 30.-at, 2025