Sulisoqarnermut immikkoortortaqarfimmi HR-konsulentissarsiorneq
Ataatsikkut sorpassuit suliaralugit nuannaraagit ataatsimullu isiginnissinnaavit, taamaassimappat suliffissaqartippatsigit.
Kommune Kujalleq sulisoqarnermut immikkoortortaqarfimmi allaffissornikkut sullissinikkullu ataqatigiissaarisussarsiorpoq oktobarip aallaqqaataani 2025-mi imaluunniit sukumiinerusumik isumaqatigiissuteqarnikkut atorfinittussamik.
Sulisoqarnermut immikkoortortaq Akissarsialerivillu kattunneqarsimapput, Sulisoqarnermullu Immikkoortortaq pingasunik sulisoqarpoq tassaasunik: Sulisoqarnermut akissarsialerinermullu pisortaq, Immikkoortortami aqutsisoq, siunnersorti kiisalu nakkutilliisoq.
Piumasaqaataavoq Allaffimmiutut TNI imaluunnit AU ilinniagaqarnikuusimanissaq.
Atuuffiit:
- Sulineq pillugu kattuffiit isumaqatigiissutaat tamaasa suliarisarlugit.
- Sulineq pillugu kattuffiit isumaqatigiissutaat tamaasa pillugit suliassat takkuttartut attaveqarnerillu pillugit siunnersuineq, ilitsersuineq.
- Sulisunut tunngasut pillugit aqutsisunut nutaanut siunnersuineq ilitsersuinerlu.
- Qitiusumik toqqorsivilerineq, aamma suliat sulisunut tunngasut sulisullu pillugit nalunaarsuiffinni suliassat eqqarsaatigalugit
- Sulisussarsiorluni allagarsiussat pillugit qitiusumik toqqorsivilerineq
- Sulineq pillugu isumaqatigiissutit siuliani taaneqartut eqqarsaatigalugit sulisunik nutaanik inissarsiuussisarneq
Suliassat ukuupput:
- Sulineq pillugu isumaqatigiissutit tamaasa pillugit atorfinnik inuttassarsiuisarneq.
- Sulineq pillugu isumaqatigiissutit pillugit atorfininnermut uppernarsaasiorneq.
- Sulineq pillugu isumaqatigiissutinut tapissat pillugit inassuteqaasiorneq.
- Sulineq pillugu isumaqatigiissutit pillugit qinnuteqaateqartut pillugit paasissutissanik katersuineq.
- Sulineq pillugu isumaqatigiissutit siuliani taaneqartut eqqarsaatigalugit sulisunik inissarsiuussisarneq.
- Siuliani taaneqartutut sulinermi isumaqatigiissutit naapertorlugit atorfinitsitsisoqartillugu pisattat angallanneqarnissaannik, angalanernik allanillu isumaginninneq .
- Sulisunut suliat sulisullu pillugit nalunaarsukkat pillugit toqqorsivilerineq.
- Suliffeqarfinni sulisunut quppersakkat pillugit siunnersuineq / ilitsersuineq.
- Utaqqiisaasumik inissiisarneq tassanilu utaqqisut.
- Sulisoqarnermut Immikkoortortami allaffissornikkut suliassat allat
Sulisoqarnermut Immikkoortortami konsulentitut atorfinititsisoqassaaq. Akissarsiat atorfeqarnermilu atugassarititaasut AK-p isumaqatigiissutai naapertorlugit pissapput. Illoqarfiup avataaneersumik atorfinitsitsisoqassappat angalanermut nuunnermullu aningaasartuutit malittarisassat atuuttut naapertorlugit akilerneqassapput.
Inissaqartitsisoqarsinnaavoq malittarisassat qaqugukkulluunniit atuuttut malillugit sillimmatinillu / ineqarnermut akiliuteqarfigineqartartussamik. Atorfininnermut tunngatillugu pigisat assartorneqarnissaat malittarisassat atuuttut malillugit isumagineqassapput.
Atorfik pillugu paasissutissat sukumiinerusut pissarsiarineqarsinnaapput immikkoortortami aqutsisoq Bruno Josefsen oqarasuaat nr. 64 80 94 imaluunniit e-mail brjo@kujalleq.gl</1
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit Kommunimut tunniunneqariissapput kingusinnerpaamik septembarip ulluisa tallimaat 2025 nittartagarput aqqutigalugu.
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit qarasaasiakkut nassiunnissaat piumasarineqarpoq.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Januaarip aallaqqaataa 2018 aallarnerfigalugu aatuutinneqalerpoq. Paasissutissat sukumiinerusut Sulisoqarnikkut Immikkoortortami pissarisarineqarsinnaapput”
Qinnuteqarnissamut killissarititaasoq: septembarip 5.-at, 2025