Nanortalimmi utoqqaat illuanni peqqissaanermut ikiortinik tallimanik pissarsiorpoq
Nanortalimmi utoqqaat illuat isumagisarialinnut immikkoortortami peqqissaanermut ikiortinik tallimanik oktobarip ulluisa aallaqqaataat 2025 imaluunniit isumaqatigiissuteqarnikkut atorfinittussanik.
Utoqqaat sullikkusuppigit, qanimut qanigisaat oqaloqatigisarlugit? Kiisalu nukissaqarluarpit isumagissuullutillu, piginnaanitit atorluarsinnaavigit utoqqaat pitsaasumik isumassorsinnaallugit paarilluarsinnaanngorlugillu? Taava Nanortalimmi utoqqaat illuanni sundhedshjælperitut taamaaliornissannut periarfissaqarluassaatit.
Nanortalimmi utoqqaat illuat pillugu
Nanortalimmi utoqqaat illuat 24-inut inissaqarpoq ulluinnarni ataatsimoortarfimmut orniguttoqarsinnaalluni. Sulisut tassaapput pisortaq, pisortap tullia, immikkoortortami aqutsisoq ataaseq, sammisassaqartitsisoq ataaseq, sundhedsassistenti ataaseq, sundhedsmedhjælperi ataaseq, social- aamma sundhedshjælperit arfineq-pingasut, paarsisut ilinniarsimasunngitsut arfineq-pingasut, iggavimmi pisortaq, igaffimmioq ataaseq, iggavimmi ikiortit pingasut, pedelit marluk, eqqiaasut marluk, errorsisartut marluk. Paarsivimmi sulisut amerlineqarnissaat siunertaavoq.
Atorfik suliffiup aqutsisuanik aqutsisoqassaaq.
Sapaatit akunnerannut nalunaaquttap akunneri 40-t suliffiusarput
Atorfiup imarisaa:
Sundhedshjælperinik utoqqarnik sullissisussamik, pitsaasumik isumassuisumillu paaqqinninnermik taassumalu ineriartortinnissaanik pingaartitsisumik pissarsiorpugut.
Ineriartorfimmiippugut, piginnaasaqarneq, sulinermut kajuminneq, aalajaatsuuneq kiisalu ataqatigiinneq eqqumaffigerusullugit, isumaqaratta taakku ineqartut atugaannut toqqaannartumik sunniuteqartuusut. Taamaattumik kissaatigaarput sulineq, suliaqarfiit allat peqatigalugit, nutaaliorluni ineqartunullu ineriartorfiusumik ingerlassasoq.
Naatsorsuutigaarput illit:
- Sundhedshjælperitut assingusumilluunniit ilinniagaqarsimassasutit
- Utoqqarnik, sammisassaqartitsinermilu suliassanik misilittagaqartutit.
- Utoqqarnik najugaqartunik innuttaasunillu sullissaqarusuttutit soqutiginnittutillu.
- Sulianut tunngatillugu ilisimasaqarluarnissat naliliilluartarnissallu.
- Allanik suliaqarfinnik suleqateqarnissamut piginnaasaqarluartuunissat.
- Atuartunut ilinniartunullu praktikkertunut/sungiusartunut siunnersuisarneq.
- Illumi pissutsinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit.
- Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
- Paatsiveerunnak ataatsikkut arlalinnik suliaqarsinnaasutit.
- Nammineersinnaassuseqarlutit, akisussaaffeqarlutit sullisserusussuseqarlutillu sulisinnaasutit
- Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit.
- Ulluinnarni ulapaarfiusuni siunnerfiit isigalugu aaqqissugaasumik sulisinnaasutit.
- Patajaatsuusutit pilersitsiniallaqqissuullutit, sinnilimmik nukissaqarlutit iliuuseqarsinnaassuseqarlutillu.
- Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit.
- Siammasissumik suleqateqarsinnaassuseqartutit.
- Suliffissani tamani sulisinnaassasutit sapaatip akunnerata naaneri allortarlugit
Neqeroorutigaavut:
- Atorfik suliap imarisaanik nammineerluni sunniuteqarluarnissamut periarfissalik.
- Pitsaasumik ilisarititsineq.
- Inuttut suliamullu tunngasutigut ineriartorneq.
- Suliffik unammillernartoq suleqatit peqatigalugit ingerlasoq
- Suliaqarfiup iluani akisussaaffik aalajangeeqataanerlu annertuut
- Sulianik assigiinngitsunik tunngaveqarluni sulineq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pinerluuteqarsimannginnermut uppernarsaammik politiinit pissarsereerpat.
Akissarsiat atorfinitsitaanermilu atugassarititaasut:
Naalakkersuisut, SIK imaluunniit kattuffiup allap isumaqatigiinniarsinnaatitaasup isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq.
Atorfinitsitsineq qaammatini pingasuni misiliutaaqqaassaaq.
Avataaniit tikittunut maleruagassat malillugit inissaqartitsisoqassaaq
Paasissutissat sukumiinerusut pissarsiarineqarsinnaapput pisortaq, Dorthe Semsen Johansen 613038 imaluunniit dose@kujalleq.gl saaffigalugu.
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik septembarip ulluisa 22-iat 2025 nittartagarput aqqutigalugu.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: septembarip 22.-at, 2025