Qaqortumi utoqqaat illuat Ajarsivasik pisortamut tullersortissarsiorpoq.
Ajarsivasik aqutsisutut suliatigullu misilittagalimmik tullertissarsiorpoq, atorfik inuttassarioneqartoq decembarip aallaqqaataat 2025 aallarnerfigalugu isumaqatigiissuteqarnikkulluunniit inuttalerneqassaaq.
Ajarsivasik 48-nut inissaqarpoq, taakkulu immikkoortortanut pingasunut agguataarsimapput.
- Ivik puigortunut immikkoortoqarfik 11-nut inissaqarpoq
- Ukaliusaq 19-inut inissaqarpoq
- Orpimmiutaq 18-inut inissaqarpoq
Ukaliusaq Orpimmiutarlu nalinginnaasumik paaqqutarinniffiuvoq taakkunanilu najugaqartut ilaatigut tassaasarput nammineersinnaasut kiisalu tamakkiisumik isumagineqartariaqartut.
Isumagisarialinnut angerlarsimaffiuvugut nutaamik eqqarsarnermut, ineriartornermut ammasuulluta, utoqqaat inuunerannik atugaannillu pitsanngorsaanissamik siunissamut takorluugaqartuulluta.
Sulisunik amerlassusiliinermi peqqissaasut marluusussaapput sundhedsassistentillu arfiniliusussaallutik, tamatuma sanitigut najugaqartunut 48-nut peqqissaanermi ikiorteqarlunilu ilinniarsimanngitsunik sulisoqarpoq.
Suliassat akisussaaffiillu:
- Utoqqaat illuanni aqutsisut tulliinnut akisussaasuuneq
- Najugaqartut isumassorneqarnisaannik peqqissusiannillu akisussaaneq
- Isumassuinerup pitsaasusianik qulakkeerinnineq sulianillu ineriartortitseqataaneq
- Malittarisassat atuuttut naapertorlugit nakorsaatinik tunniussisoqartarnissaanik akisussaaneq
- Iliuusissatut pilersaarusiat suliarineqarsimasut najugaqartullu inuunerminni oqaluttuassartaat naapertorlugit najugaqartut sammisaqartinneqartarnissaanik akisussaassuseqarneq
- Pitsaasunik sinaakkutinik suleriaatsinillu pilersitsineq, sulisut toqqissillutik sulisinnaaniassaat anguniarlugu
- Sulisunik agguataarinermi aqutsineq aamma suliassanik pilersaarutinik malinnaaneq
- Pingaarnertut malittarisassanik soorlu illup iluani malittarisasssanik malinnittoqarnissaanik akisussaassuseqarneq
- Immikkoortortami atortussanut assigisaannillu pingaarnertut akisussaassuseqarneq.
- Ilinniartunik akisussaassuseqarneq
- Najugaqartumik tunngaviusumik paaqqutarinninneq pisariaqartitsinerlu naapertorlugu ikiuineq. Pingaartumik paaqqutarineqarnissamik pisariaqartitsisunut.
- Najugaqartoq qitiutillugu suleqatigisanik attuumassuteqartunik suliassaqarfinni assigiinngitsuni suleqateqarneq.
- Najugaqartut toqqissisimanissaat imartuumillu inuuneqarnissaat anguniarlugu sulissuteqarneq
- Najugaqartunik sullissinerup pitsaassusaanik isumannaarinninneq
- Sulianik ineriartortitseqataaneq
- Qaammatikkaartumik nakorsap misissuiartortarnissaanik qulakkeerinnnineq
- Suliatigut piginnaasaqarnerup ineriartortinnissaanut ataavartinnissaanullu ujartuiuarneq
Piginnaasat piumasaqaatillu
- Peqqissaanermi ikiortitut assingusumiluunniit ilinniagaqartoq
- Suliniuteqarumatooq suleqatiminillu peqataatitsisinnaasoq.
- Marluinnik oqaaseqartuussaatit kalaallisut qallunaatullu (piumasaqaataanngilarli)
- Kikkunnut tamanut, najugaqartunut suleqatinullu akuersaartoq
- Pinerluuteqarsimannginnermut uppernarsaat.
- Aalajaatsutit, tatituujusutit inunnillu allanik inissaqartitsillutit
- Utoqqarnik sullisserusussuseqartuussaatit
Suliartoqquneqarnissamut piaarersimaneq atorfimmut ilaavoq, suliartoqquneqarsinnaassalluni sapaatit akunneri 3-4-iikkaarlugit
Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit inissinneqassapput.
Avataaniit atorfinittumut inissaqartitsisoqarsinnaavoq malittarisassat atuutut malillugit akilerneqartartussamik malittarisassat atuuttut malillugit ineqarnermut allanullu akilerneqartussamik. llisimaqqussavarput sulisunut inissianut utaqqineq assut sivisusarmat, sulisumut inissaminik neqerooruteqarsinnaalernissamut atorfinitsitsineq utaqqissunneqarsinnaavoq.
Atorfik pillugu paasissutissat sukumiinerusut pisortaagallartoq Aka Motzfeldt oqarasuaat (+299) 54 11 54-imut sianerluni imlt. e-mailikkut: akmo@kujalleq.gl saaffiginninnikkut pissarsiarineqarsinnaapput.
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik oktobarip 27-at 2025.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: novembarip 2.-at, 2025