Meeqqanut inuusuttuaqqanullu allanngueqataarusuppit - kujataani pinngortitarsuup qeqqani?
Suliffiup sumi inissisimanera: Meeqqanut inuusuttuaqqanullu susassaqarfik, Qaqortumi, Narsami imaluunniit Nanortalimmi sulisinnaaneq periarfissaralugu.
Atorfinissinnaasunik oqaloqatiginninnerit qinnuteqartoqaraangat ingerlanneqartassapput, taamaammat piaarnerpaamik qinnuteqaqqullugit kaammattussavatsigit.
Atorfik: Sullissisoq / isumaginninnermi siunnersorti
"Ukiut pingasut qaangiuppata neriuuteqarsinnaalersimalluta periarfissanik takunnissinnaalersimanissarput neriuutigaara. Tassa ikinnerusut nunatsinnit aallartalersimasut nunarpullu meeqqanut ineriartorfiullunilu toqqissisimaffiulluni meeqqanut, inuusuttunut ilaqutariinnullu angerlarsimaffiusoq." – Meeqqat oqaaseqartuat Stina Sværd
Ataqatigiissusermi sulerusullutit takorloortarpiuk, ataatsimooqatigiinneq, qanilaassuseq aamma kulturikkut paasinninneq isumaginninnermi suliaqarnermi sulinermi tasioqatigiillutik ingerlasumi? Soorlu qulaani oqaatsit issuakkat allassimaneratut ullut tamaasa takorluugaq sulissutigisarparput.
Maannakkut sulianik suliarinnittartumik tunniusimasunik arlalinnilluunniit isumaginninnermi suliaqartartunik sulisussarsiorpugut, meeqqanut, inuusuttuaqqanut aamma Ilaqutaannut Kalaallit Nunaata kujataanut toqqissinartunik killissarititanik neriuutinillu pilersitseqataasinnaasunik suliaqarsinnaasunik.
Kommune Kujalleq maannakkut immikkuullarissumik inissisimavoq, Inatsisartut meeqqat tapersersorneqarnissaanut inatsisaat atorunnaarallartinneqarnikuuvoq. Tamanna imaappoq ingerlatsiviuvugut allanngoriartortoq aamma 2024 novembarimili qaffasissumik Naalakkersuisut ingerlatsivimmi akisussaaffik tigummilersimavaat. Ulluni qanittumi malugileriartussavat isumaginninnermi siunnersortit aamma Isumaginninnermi Aqutsisoqarfik qanimut suleqatigigivut. Annertuumik ikiorneqarlutit tapersersortinneqatsiagaassaatit suliarnut alliartuutiginiagaassagakku.
Suliatit nutaat ilaatigut tassaalissapput:
- Meeqqat inuusuttuaqqallu ilaqutaallu sanngiitsumik inissisimasut siunnersornissaat
- Iliuusissatut pilersaarutit suliarinissaat aamma atuarfiit, meeqqeriviit aamma peqqinnissaqarfik susassaqaqatigiittut suleqatiginissaannut qulakkeernissaat.
- Pitsaaliuinermik aamma ujartuinikkut sulineq - sumiiffimmi inuiaqatigiinni aamma immikkoortortaqarfiit assigiinngitsut akulerullugit.
- Suliniutinik nutaanik ineriartortitsinermut tapeeqataaneq, meeqqat inuusuttuaqqallu atungarissaarnissaanut nukittorsaasunik.
Naattorsuutigaarput illit:
Takorloorparput isumaginninnermi suliaqarnermik tunuliaqutaqartutit - kisianni pingaarnerpaavoq meeqqanik inuusuttuaqqanullu sulinissarnut uummateqartutit. Suliatigut paasiniaasuuvutit, inuillu ataqqillugit naapittarpatit aamma suliani imaannaanngitsuni aamma inuiaqatigiit qanimut ulluinnarni ingerlaffigisinnaalluarlugu.
Iluaqutaasaaq illit:
- Oqartussani sulianik suliarinnittarnermik misilittagalik imaluunniit meeqqat inuusuttuaqqallu
- Allat sulianik suliarinnittartut suleqatiginissaat sapingaqarfiginngikkit.
- Ulluinnarmi pinngortitaq qamani qanittumi aammalu ataatsimoorneq pingaarutilik ulluinnarni suliffigisinnaagit
Atorfik qinnuteqateqarfigiuk ilinnut takusinnaaguit:
- Suliffik isumalerujussuaq, meeqqanut inuusuttuaqqanullu inuunerannut tapeeqataanerit allanngueqataalluinnartoq.
- Suliatigut assut avatangiiseq nukittooq suleqatigiit imminnut tapersersortut.
- Ilisarititsineq aamma ingerlaavartumik siunersiuineq, suliassarnut piareersimasutut misiginiassagavit.
- Inuttut suliatigullu ineriartornissamut periarfissat pitsaasut.
- Kalaallit nunaata kujataani inuusaaneq asseqanngitsoq, qaqqarsuit, kangerluit arsarnerit ulluinnarsiutigilissavatit.
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Qinnuteqarneq:
Atorfinissinnaasunik oqaloqatiginninnerit qinnuteqartoqaraangat ingerlanneqartassapput, taamaammat piaarnerpaamik qinnuteqaqqullugit kaammattussavatsigit. Atorfinittussat naammatsippata qinnuteqartitsineq unitsinneqassaaq.
Inissaq:
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.
Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.
Paasissutissat:
Atorfik pillugu paasissutissat sukumiinerusut sulianik aqutsisumit Tina Abildgaardpissarsiarineqarsinnaapput e-mail tiab@kujalleq.gl
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq. Qinnuteqaat siusinnerusukkut sulisimanermik paasissutissartalik ilinniagaqarsimanermillu, pillagaasimannginnermillu uppernarsaatitalik, il.il.
jobopslag: ops25-315
Qinnuteqarnissamut killissarititaasoq: januaarip 1.-at, 2026